PROF. DR. ETHEM RUKA

Email: ethem.ruka@luarasi-univ.edu.al

Kolegji Universitar “Luarasi” u themelua në shtator të vitit 2003 dhe aktualisht ai ka dy fakultete: Fakulteti i Drejtësisë dhe Fakulteti Ekonomik. Shpresojmë që vitin e ardhshëm akademik të fillojë dhe fakulteti i tretë ai për Teknologjitë e Informacionit dhe Inovacionit. Pas shpalljes së rezultateve të akreditimit të shkollave të larta publike dhe shtetërore, Kolegji Universitar “Luarasi” akreditohet maksimalisht për gjashtë vite, duke u renditur në katër shkollat e larta më të mira të vendit.

Ky çertifikim është dëshmia më e mirë për cilësinë e diplomave të lëshuara në fund të shkollimit pranë këtij kolegji.
S’ka si të jetë ndryshe për sa kohë studentët e drejtësisë të këtij Kolegji janë tëvetmit ndër të gjitha shkollat e larta jopublike që plotësojnë kriteret për t’u pranuar në shkollën e magjistraturës, e për më tepër, gati 80% e të diplomuarve
fillojnë punë gjatë një periudhe kohore prej gjashtë muajsh, pas mbarimit të shkollimit.

Kolegji Universitar “Luarasi” është i vendosur në një nga zonat më të preferuara universitare të kryeqytetit dhe disponon një infrastrukturë të shkëlqyer, duke ofruar kushtet më të mira për mbarëvajtjen e mësimit dhe argëtimit të
studentëve. Pranë këtij kolegji jep mësim një staf akademik i përkushtuar, i cili dallohet për profesionalizëm të lartë.
Një sërë marrëveshjesh mes Kolegjit tonë universitar me shumë agjencive vendase dhe universitete të huaja i kanë shndërruar auditoret tona në vende debati të gjallë, për problemet që lidhen me formimin teorik e praktik të studentëve. Klinika ligjore e Kolegjit Universitar “Luarasi” është më e mira ndër të gjitha simotrat e saj në Shqipëri; janë studentët tanë që këshillojnë falas dhe
ndërhyjnë për shumë çështje ligjore të qytetarëve në nevojë.

Numri i studentëve pranë këtij institucioni ka ardhur duke u rritur çdo vit. Studentët për ne nuk janë thjesht numra, por identitete të gjalla, që marrin pjesë aktivisht deri në vendimmarjet e këtij institucioni. Qeveria Studentore është e gjallë dhe ndërmerr veprimtari me interes studentor e publik. Cilësia e lartë e mësimdhënies, veprimtaria e institucionit e mbështetur fortësisht te ligji, vlera e diplomave për punësim, jeta e gjallë studentore, lidhja e formimit teorik me veprimtarinë e gjallë praktike, kushte e shkëlqyera të infrastrukturës etj, janë një ofertë e hapur për maturantët që duan diploma të meritura në fushën e drejtësisë, ekonomisë dhe teknologjive të informacionit e inovacionit.