Programi Bachelor në Infermieri ofron formim teorik dhe praktik për ushtrimin e profesionit të infermierisë dhe për vijimin e mëtejshëm të studimeve.
Fakulteti i Shkencave Mjekësore ofron programin Bachelor në Infermieri me kohëzgjatje tre vite akademike dhe 180 kredite ECTS.
Programi i Studimit Bachelor në Infermieri garanton arritjen e një sërë objektivave, që bëjnë të mundur formimin e duhur teorik dhe praktik të një profesionisti të fushës së infermierisë, në mënyrë që të konkurrojë denjësisht në tregun e punës vendas dhe të huaj.
Bachelor në Infermieri – tre vite akademike dhe 180 ECTS.
Njësia bazë (Departamenti) përkatëse në Fakultetin e Shkencave Mjekësore që mbulon programin e studimit për çdo vit akademik, në përputhje me kapacitetet akademike dhe infrastrukturore, propozon numrin e studentëve, për këtë program, si dhe kriteret e pranimit të studentëve që miratohen nga njësia kryesore (Fakulteti).
Pranimi në programet e studimit të ciklit të parë është i mundur për çdo kandidat që ka përfunduar me sukses ciklin e arsimit të mesëm dhe që plotëson kriterin e notës mesatare, të përcaktuar çdo vit me vendim të Këshillit të Ministrave. Kriteret shtesë shpallen publikisht çdo vit dhe kandidati aplikon përmes portalit U-Albania.
Dokumentet e kërkuara:
Lista e studentëve të regjistruar, në fillim të vitit akademik, i dërgohet Qendrës së Shërbimeve Arsimore.