Master i Shkencave Informatikë Ekonomike
Program që ndërthur teknologjinë dhe ekonominë, duke përgatitur profesionistë të aftë të kuptojnë biznesin, të analizojnë të dhënat dhe të përdorin teknologjinë për vendimmarrje dhe transformim dixhital.
Informatikë Ekonomike
Masteri i Shkencave në Informatikë Ekonomike është një program që ndërthur dy botë: teknologjinë dhe ekonominë. Nëpërmjet këtij programi përgatiten profesionistë që janë në gjendje të kuptojnë si funksionon biznesi dhe sesi teknologjia mund ta ndryshojë atë.
Ai përgatit specialistë me njohuri të qëndrueshme në dy fusha të rëndësishme ku ndërlidhen aftësitë informatike me ato të menaxhimit. Në këtë mënyrë ai realizon formimin e figurave të reja profesionale që janë në gjendje të veprojnë si ndërlidhës të këtyre kompetencave duke menaxhuar e analizuar sasinë e të dhënave të mbledhura. Kjo bën të mundur një vendimmarrje të mbështetur mbi të dhëna të besueshme në nivel kompanie apo institucioni.
Studentët e diplomuar në këtë program mund të punësohen në profesione që po zhvillohen me ritme të shpejta të tilla si analist biznesi, analist të dhënash, administrator të teknologjive të informacionit apo konsulent për transformimin dixhital.
Plani i Studimit
Informatikë Ekonomike
Program dyvjeçar me 120 ECTS, i fokusuar në ndërthurjen e teknologjisë së informacionit me ekonominë, menaxhimin, analizën e të dhënave, biznesin dhe transformimin dixhital.
| Nr | Lënda | ECTS – European Credit Transfer System |
|---|---|---|
| 1 | Marketingu Digital dhe Inovacioni | 6 |
| 2 | Menaxhimi i Sistemeve të Informacionit-Avancuar | 6 |
| 3 | Lidershipi dhe Etika e Vendimmarrjes | 6 |
| 5 | Etika e Teknologjia/Bazat e Inovacionit dhe Sipërmarrja | 6 |
| 6 | Menaxhimi i Bazës së të Dhënave | 6 |
| 7 | Aftësi Menaxheriale | 6 |
| 8 | Menaxhimi i Ndryshimit dhe Rritjes | 6 |
| 9 | Hartim e Menaxhim Projektesh në Teknologji Informacioni | 6 |
| 10 | Menaxhimi i Big Data | 6 |
| 11 | Bazat e Sistemeve të Sigurisë së Informacionit/Ligji i Sigurisë Kibernetike, Pajtueshmëria dhe Etika | 6 |
| TOTALI PËR VITIN E I-rë | 60 | |
| Nr | Lënda | ECTS – European Credit Transfer System |
|---|---|---|
| 1 | Metoda Kërkimi të Avancuar në Sistemet Kompjuterike | 6 |
| 2 | E Drejtë Biznesi | 6 |
| 3 | Menaxhim Strategjik | 6 |
| 4 | Auditim i Sistemeve të Informacionit | 6 |
| 5 | Inteligjencë Biznesi e Avancuar | 6 |
| 6 | Praktikë e Zhvillim Karriere | 12 |
| 7 | Teza e Masterit | 18 |
| TOTALI PËR VITIN E II-të | 60 | |
Kriteret dhe Procedurat
01. Kriteret e Pranimit
Njësia bazë (Departamenti) përkatëse e Fakultetit të Teknologjisë së Informacionit e Inovacionit të Universitetit Luarasi që mbulon këtë program studimi, për çdo vit akademik, në përputhje me kapacitetet akademike dhe infrastrukturore, propozon numrin e studentëve, si dhe kriteret e pranimit që miratohen nga njësia kryesore (Fakulteti).
Përzgjedhja e studentëve fitues bëhet nga njësia bazë (Departamenti) dhe miratohet nga drejtuesi i njësisë kryesore (Fakultetit), në bazë të kritereve të përcaktuara për pranimin në këtë program studimi.
Kriter specifik pranimi në një program studimi të ciklit të dytë "Master i shkencave" është njohja nga kandidati e një prej pesë gjuhëve të huaja të Bashkimit Evropian në nivelin B1:
- Anglisht
- Frëngjisht
- Gjermanisht
- Italisht
- Spanjisht
Nëse individi ka fituar një diplomë të një programi studimi të kryer në një nga këto gjuhë, diploma e fituar shërben si dëshmi për plotësimin e këtij kriteri.
Kriteret e pranimit për përzgjedhjen e kandidatëve shpallen publikisht dhe vihen në dispozicion të Qendrës së Shërbimeve Arsimore (QSHA).
Kreditet e përfituara në programin e studimit të ciklit të dytë "Master profesional", njihen me qëllim transferimin e tyre në programet e studimit "Master i shkencave", sipas përcaktimeve të rregullores dhe legjislacionit në fuqi.
02. Procedurat e Regjistrimit
Dokumentet e kërkuara për regjistrim në Ciklin e Dytë të Studimeve Master Profesional, Master i Shkencave/Master i Arteve:
- Kopjen e dokumentit të identifikimit;
- Diplomën dhe listën e notave/Suplementin e diplomës, ose kopje të saj të njehsuar me origjinalin, të Ciklit të Parë të Studimeve (BA) të përfunduar në Republikën e Shqipërisë.
- Diplomë të Ciklit të Parë të Studimeve (BA) të përfunduar jashtë vendit, të shoqëruar me kopje të diplomës të njehsuar me origjinalin, ose, në mungesë të saj, të një dokumenti tjetër zyrtar mbi bazën e të cilit është kryer njohja dhe njehsimi në Republikën e Shqipërisë, të lëshuar në vendin ku ka kryer studimet, që i lejon regjistrimin dhe vazhdimin e studimeve të ciklit të dytë.
- Kandidatët që nuk e kanë përfunduar procesin e njohjes dhe njehsimit të diplomës, paraqesin vërtetimin që kanë aplikuar pranë QSHA për njohje dhe njehsim.
- Dy fotografi personale.
Lista e studentëve të regjistruar, në fillim të vitit akademik, i dërgohet Qendrës së Shërbimeve Arsimore (QSHA).