Historia Jonë
Një rrugëtim i ndërtuar mbi dije, përkushtim dhe zhvillim të vazhdueshëm në fushën e arsimit të lartë dhe kërkimit shkencor.
Themelimi i Universitetit “Luarasi”
Universiteti “Luarasi”, më parë Kolegji Universitar “Luarasi”, është një nga institucionet e para jopublike të arsimit të lartë në Shqipëri. Institucioni u licensua me Vendim të Këshillit të Ministrave Nr. 611, datë 11.09.2003, “Për dhënien e lejes për hapjen e shkollës së lartë universitare, jopublike ‘Luarasi’”.
Fillimi i veprimtarisë akademike
Mbi bazën e aktit të licensimit, institucioni nisi veprimtarinë e mësimdhënies në vitin akademik 2003–2004, duke u mbështetur fillimisht vetëm në programet e studimit të Fakultetit të Drejtësisë.
Hapja e Fakultetit Ekonomik
Me Urdhrin Nr. 188, datë 15.08.2015, të Ministrit të Arsimit, Sportit dhe Rinisë, u hap njësia e dytë kryesore e institucionit: Fakulteti Ekonomik.
Hapja e Fakultetit të Teknologjisë së Informacionit dhe Inovacionit
Me Urdhrin Nr. 266, datë 14.05.2018, u bë e mundur hapja e njësisë së tretë kryesore: Fakulteti i Teknologjisë së Informacionit dhe Inovacionit.
Kalimi nga Kolegj Universitar në Universitet
Me Urdhrin Nr. 493, datë 11.10.2019, u miratua Statuti i Universitetit “Luarasi”, duke legjitimuar kalimin nga Kolegj Universitar në Universitetin “Luarasi”. Në të njëjtin vit, me Urdhrin Nr. 494, datë 11.10.2019, u miratua riorganizimi institucional në tre njësi kryesore: Fakulteti i Drejtësisë, Fakulteti Ekonomik dhe Fakulteti i Teknologjisë së Informacionit dhe Inovacionit.
Hapja e Fakultetit të Shkencave Mjekësore
Me Urdhrin Nr. 169, datë 22.06.2021, u hap Fakulteti i Shkencave Mjekësore. Prej vitit akademik 2021–2022, Universiteti “Luarasi” filloi të ofronte mundësi të reja studimi në fushat e infermierisë dhe stomatologjisë.
Një universitet në zhvillim të vazhdueshëm
Universiteti “Luarasi” vijon të zgjerojë programet dhe fushat e studimit, duke synuar formimin e të rinjve që përshtaten me kërkesat e tregut të punës dhe thellojnë dijet e tyre përmes studimeve të mëtejshme.
Synimi i përhershëm i Universitetit “Luarasi” është formimi i profesionistëve të së ardhmes përmes dijes, inovacionit dhe përkushtimit akademik.