Njësia e Brendshme e Sigurimit të Cilësisë
Garantimi dhe sigurimi i cilësisë së programeve të studimit
Komisioni i Përhershëm i Sigurimit të Cilësisë është struktura përgjegjëse për garantimin dhe sigurimin e cilësisë së programeve të studimit që ofron Universiteti “Luarasi”.
Kuadri institucional dhe ligjor
Komisioni i Përhershëm i Sigurimit të Cilësisë është strukturë e parashikuar në Nenin 15 të Rregullores së Brendshme të Universitetit “Luarasi”, të miratuar me vendim të Senatit Akademik Nr. 17, datë 13.11.2023.
Struktura mbështetet në Nenin 46 të Ligjit Nr. 80/2015, datë 22.07.2015, “Për arsimin e lartë dhe kërkimin shkencor në institucionet e arsimit të lartë”.
Komisioni i Përhershëm i Sigurimit të Cilësisë
Komisioni përbëhet nga 11 (njëmbëdhjetë) anëtarë, me përfaqësim të personelit akademik, Njësisë së Brendshme të Sigurimit të Cilësisë, Zyrës së Studentit dhe studentëve.
Personeli akademik
1 (një) përfaqësues i personelit akademik nga secila njësi kryesore.
Njësia e Brendshme e Sigurimit të Cilësisë
2 (dy) përfaqësues nga Njësia e Brendshme e Sigurimit të Cilësisë.
Zyra e Studentit
1 (një) përfaqësues i Zyrës së Studentit.
Përfaqësuesit e studentëve
4 (katër) anëtarë përfaqësues të studentëve të secilës prej njësive kryesore.
Komisioni i Sigurimit të Cilësisë në nivel njësie kryesore
Komisioni i Sigurimit të Cilësisë në nivel njësie kryesore është struktura përgjegjëse për garantimin dhe sigurimin e cilësisë së programeve të studimit që ofron fakulteti.
Ky Komision përbëhet nga 7 (shtatë) anëtarë, nga të cilët 5 (pesë) janë përfaqësues të personelit akademik dhe 2 (dy) janë anëtarë përfaqësues të studentëve.
Personeli akademik
5 (pesë) përfaqësues të personelit akademik.
Përfaqësuesit e studentëve
2 (dy) anëtarë përfaqësues të studentëve.
Mënyra e organizimit dhe funksionimit të Komisionit të Sigurimit të Cilësisë në nivel njësie kryesore përcaktohet në rregulloren e brendshme të njësisë kryesore.
Sigurimi i cilësisë në Universitetin “Luarasi”
Strukturat e sigurimit të cilësisë kontribuojnë në garantimin dhe sigurimin e cilësisë së programeve të studimit në nivel institucional dhe në nivel të njësive kryesore.