Kryen regjistrimin e personave të cilët kanë fituar të drejtën për të qenë studentë.

Hap dhe ruan një dosje personale elektronike dhe shkresore për çdo student, ku pasqyrohen dokumentacioni i regjistrimit, lëndët e marra, përsëritjet, rezultatet e provimeve, gjendja e bursës dhe masat disiplinore, nëse janë marrë.

Arkivon dosjet e regjistrimit të studentëve në bazë të vitit dhe programit të studimit.

Ruan në formë elektronike listat e rezultateve të provimeve të cilat vijnë nga Dekanati.

Përgatit transkripte (listë notash) për studentin.

Përgatit dokumente të cilat i dorëzohen institucioneve zyrtare si: Vërtetim Studenti, Rekomandime dhe dokumente të tjera të ngjashme.

Bën rinovimin e regjistrimit të studentëve çdo fillim viti.

Përgatit dhe shpërndan kartat e identifikimit të studentëve.

Plotëson diplomat e studentëve, të cilët kanë fituar të drejtën për t’u diplomuar dhe ia dorëzon diplomën studentëve të diplomuar kundrejt firmës.

Evidenton studentët përfitues të bursës si dhe ata të cilët humbasin të drejtën e bursës për shkak të mossuksesit në mësime.

Ndjek procedurat e studentëve të cilët duan të ndërpresin studimet universitare, kryen çregjistrimet e tyre dhe në përfundim të çdo viti akademik paraqet një raport mbi shkaqet e ndërprerjeve përpara Senatit.

Evidenton studentët të cilët nuk kanë arritur të përfundojnë me sukses studimet brenda afatit maksimal të përcaktuar në nenin 49 të kësaj rregullore.

Ndjek kryerjen e pagesave mësimore nga ana e studentëve dhe regjistron të dhënat përkatëse në formë elektronike.

Evidenton studentët të cilët nuk kanë hyrë në provime.

Jep dokument për marrjen në provime të studentëve që kanë kryer pagesat mësimore brenda periudhës së provimeve.

Ruan dokumentet në të cilat pasqyrohen rezultatet e provimeve.

Ndjek dhe zbaton procedurat e transferimeve të studentëve.

Informon Dekanatin apo Përgjegjësin e Departamentit, mbi bazën e kërkesës së këtyre të fundit, mbi gjendjen mësimore dhe të dhënat e regjistrimit të studentëve dhe të klasave.

Përgatit informacione apo raporte mbi bazën e kërkesës së organeve administrative shtetërore.

Bën regjistrimin e dokumenteve të dorëzuara nga studentët.

Arkivon dosjet e studentëve të diplomuar.

Kryen detyra të tjera të ngarkuara nga organi epror, në lidhje me aktivitetin mësimor-shkencor.

Kryen të gjitha funksionet e tjera të parashikuara në Statutin e KU “Luarasi”.