Fakulteti i Drejtësisë

Programi i Integruar i Studimeve të Ciklit të Dytë në Drejtësi

Programi i Studimeve të Integruara të Ciklit të Dytë në Drejtësi (PIND) u jep studentëve njohuritë e nevojshme për formimin e tyre si specialistë në fushën e drejtësisë. Programi ofron një tërësi njohurish në formimin e përgjithshëm teorik dhe metodologjik në fushën e të drejtës dhe institucioneve juridike, duke pasur parasysh dimensionin kombëtar dhe ndërkombëtar të dijeve.

5 Vite akademike

300 ECTS

PIND Cikli i Dytë

Programi i studimit

Program i Integruar i Studimeve të Ciklit të Dytë në Drejtësi (PIND), Fakulteti i Drejtësisë.

Programi i Integruar

Program i Integruar i Studimeve të Ciklit të Dytë në Drejtësi (PIND)

Programi i Studimeve të Integruara të Ciklit të Dytë në Drejtësi (PIND) u jep studentëve njohuritë e nevojshme për formimin e tyre si specialistë në fushën e drejtësisë. Në funksion të këtij objektivi, programi ofron dhënien e një tërësie njohurish në formimin e përgjithshëm teorik, ashtu dhe metodologjik në fushën e të drejtës dhe institucioneve juridike. Në këtë kuadër, programi ka parasysh si dimensionin kombëtar ashtu dhe ndërkombëtar të dijeve, me qëllim që studenti të jetë i gatshëm për tregun e punës në përputhje me standardet ligjore dhe profesionale.

PIND 5 vite 300 ECTS Drejtësi

Plani mësimor

Programi i Integruar i Studimeve të Ciklit të Dytë në Drejtësi (PIND) – 5 vite akademike dhe 300 ECTS.

1. Kriteret e pranimit

Pranimi në Programet e Integruara të Studimeve të Ciklit të Dytë – PIND është i mundur për çdo kandidat që ka përfunduar me sukses ciklin e arsimit të mesëm dhe që plotëson kriterin e notës mesatare të përcaktuar çdo vit me Vendim të Këshillit të Ministrave.

Njësitë bazë (Departamentet) që mbulojnë këtë program studimi, për çdo vit akademik, në përputhje me kapacitetet akademike dhe infrastrukturore, propozojnë numrin e studentëve që do të ndjekin studimet në atë vit akademik si dhe kriteret e pranimit që miratohen nga njësia kryesore (Fakulteti).

Përzgjedhja e studentëve fitues bëhet nga njësitë bazë (Departamentet) dhe miratohet nga drejtuesi i njësisë kryesore (Fakultetit) në bazë të kritereve të përcaktuara për pranimin në këtë program studimi.

Kriteret shtesë të pranimit për përzgjedhjen e kandidatëve shpallen publikisht çdo vit dhe vihen në dispozicion të Qendrës së Shërbimeve Arsimore (QSHA) dhe ministrisë përgjegjëse për arsimin.

Çdo individ që ka përfunduar arsimin e mesëm dhe përmbush kriterin e notës mesatare të përcaktuar me Vendim të Këshillit të Ministrave aplikon përmes portalit U-Albania për të përzgjedhur këtë program studimi.

2. Procedurat e aplikimit & regjistrimit

Dokumentet e kërkuara për regjistrim të kandidatit fitues në Programet e Integruara të Studimeve të Ciklit të Dytë – (PIND) në Universitetin Luarasi janë si më poshtë:

Kopje e dokumentit të identifikimit;
Kopje të njehsuar me origjinalin të Diplomës së Maturës Shtetërore/Dëftesës së Pjekurisë ose të një diplome studimi të fituar jashtë vendit dhe të njehsuar nga QSHA, së bashku me certifikatën përkatëse të notave;
2 (dy) fotografi personale.

Lista e studentëve të regjistruar, në fillim të vitit akademik, i dërgohet Qendrës së Shërbimeve Arsimore.